Ish-Drejtori i Policisë së Kosovës, Behar Selimi ka thënë se vendimin për ndaljen e trenit duhet ta marrë Kryeministri në bashkëpunim me Ministrin e Punëve të Brendshme dhe pastaj vendimi të shkojë te Policia e Kosovës. Mirëpo, ky ish-zyrtar policor ka thënë se në këtë operacion duhet të futet edhe Agjencia Kosovare e Intelegjencës. Madje, ai ka thënë se vetëm KFOR’i ka kapacitetet për të ndale trenin derisa ka bërë thirrje që në këtë proces të futen të gjitha mekanizmat e sigurisë përshirë edhe AKI’në.

Ish-Drejtori i Policisë së Kosovës, Behar Selimi, ka thënë , se Kryeministri i Kosovës duhet të marrë vendim që mos të lejohet hyrja e trenit të Serbisë në Kosovë. Këtë vendim, sipas tij, duhet të merren në koordinim me Ministrinë e Punëve të Brendshme, e cila do të duhej të zbatonte përmes organeve të sigurisë, siç është Policia dhe Agjencia Kosovare e Intelegjencës.

“Në fakt, pushtet Ekzekutiv është Qeveria. Mekanizëm për zbatimin e vendimeve që dalin nga Ligjet dhe Kushtetuta, në këtë rast edhe nga deklaratat e Presidentit, e ka Ministria e Punëve të Brendshme”, ka thënë Selimi.

Presidenti i Kosovës, Hashim Thaçi ka thënë se hyrja e trenit është ilegale derisa ka bërë thirrje institucioneve shtetërore të mos lejojnë hyrjen e tij në Kosovë.

Kryeministri Isa Mustafa dhe as Ministri i Punëve të Brendshme, Skender Hyseni s’e ka thënë asnjë fjalë dhe ende s’kanë marrë ndonjë vendim përfshirë edhe ndalimin e trenit.

Mirëpo para se të merrej një vendim për ndalimin e trenit, sipas Selimit, Këshilli i Sigurisë Kombëtare do të duhej të angazhonte policinë dhe inteligjencën në operacione speciale për të ndalur hyrjen e trenit në Kosovë.

“Nuk mjafton vetëm policia. Këtu duhet të ketë një qëndrim të Kryeministrit që obligon gjithë sektorin e sigurisë të veprojë në këtë drejtim”, ka shtuar ai.

Në këtë situatë, ish-drejtori i Policisë pyet se ku është KFOR’i për të mos lejuar cenimin e integrtitetit të Kosovës nga ana e Serbisë.

Ndërkohë, thotë se Policia e Kosovës s’ka kapacitet për të vepruar në këso rastesh derisa kërkon ndihmën edhe të KFOR’it për vendosjen e pengesave fizike për të mos lejuar hyrjen e trenit në Kosovë.

“KFOR’i duhet edhe fizikisht të pengojë hyrjen e trenit serb në Kosovë. Këtë duhet ta bëjë duke ndihmuar Policinë e Kosovës”, ka shtuar ai.

Selimi ka thënë se ka rrezik që nëse dështon Shteti atëherë do të ketë veprime prej individëve ose grupacioneve që do të mund të sillnin pasoja për Kosovë.

Facebook Comments

Te ngjajshme